Fáðu ráðgjöf fyrir þína hjörð
Til þess að geta nýtt sér fóðurráðgjöf við fóðrun hrossa þarf að byrja á því að efnagreina heysýni. Þegar niðurstaða efnagreiningarinnar liggur fyrir bjóða ráðunautar RML upp á túlkun á niðurstöðum. Út frá niðurstöðum efnagreiningarinnar má síðan vinna fóðuráætlun/áætlanir og jafnframt veita ráðgjöf við fóðrun hrossa, hvort sem um er að ræða einstaklingsfóðrun eða fóðrun fyrir ákveðna hópa.
Ráðunautar hjá RML geta annast DNA sýnatökur ef óskað er.
Við mat á unghrossum eru byggingareiginleikar gripsins metnir á svipaðan hátt og gert er í kynbótadómi. Ráðunautur skoðar gripinn og gefur umsögn sem eigandinn heldur eftir.
RML býður upp á nokkur námskeið er tengjast hrossum og hrossarækt. Upplögð námskeið fyrir hestamanna- og/eða ræktunarfélög.
Tilgangur örmerkinga er að tryggja sem best rétta upprunaskráningu og sönnun á eignarrétti. Matvælastofnun sér nú um leyfisveitingar til örmerkingamanna og getur innkallað slík leyfi ef skráning á merkingum skilar sér ekki eins og til er ætlast. Leyfi sem Bændasamtök Íslands hafa áður gefið út gilda áfram en þeir sem ljúka námskeiði í örmerkingum frá og með þessu ári (2017) þurfa að sækja um leyfi Matvælastofnunar að námskeiði loknu til að geta keypt örmerki og stundað þessa starfsemi.
Karfan er tóm
Skoða vörur