Forystufé

Afkvæmarannsóknir

Afkvæmarannsóknir hafa reynst skilvirkt hjálpartæki í ræktunarstarfinu á mörgum sauðfjárbúum á síðustu áratugum. Til þess að hvetja bændur til að bera saman lambhópa undan hrútum sínum hafa verið greiddir styrkir af fagfé sauðfjárræktarinnar að uppfylltum ákveðnum skilyrðum.

Hrútaskrá

Sauðfjársæðingastöð Suðurlands og Sauðfjársæðingastöð Vesturlands gefa ár hvert út hrútaskrá. Hrútaskráin er unnin í samstarfi við ráðunauta RML. Henni er dreift á auglýstum hrútafundum eftir útgáfu en einnig er auglýst er skráin kemur út á vef. Búnaðarsambönd á hverju svæði auglýsa pöntunarform þegar afgreiðsla hefst frá sæðingastöðvunum

Kynbótamat

Ræktunarmarkmið

Í framtíðarskipulagi á ræktun íslenska sauðfjárstofnsins skal lögð áhersla á að varðveita sérkenni hans ásamt því að framrækta þá eiginleika sem mestu máli skipta fyrir sjálfbæra og hagkvæma sauðfjárframleiðslu hverju sinni. Stöðugt þarf að bæta alla helstu framleiðslueiginleika, þ.e. frjósemi, afurðasemi, kjöt- og ullargæði. Viðhalda skal jafnt hyrndu sem kollóttu fé ásamt eiginleikum sem geta haft hagrænt gildi eða talist til séreinkenna s.s. frjósemiserfðavísum, öllum litaafbrigðum, feldfjáreiginleikum og ferhyrndu fé. Sérstaka áherslu skal leggja á heilbrigði stofnsins og endingu gripa. Gæta skal að erfðabreytileika í stofninum og halda aftur af aukningu í skyldleikarækt. Jafnframt þarf að hvetja til samfélagslegrar ábyrgðar þegar kemur að ræktun og verndun þessara stofna.