Hrútaskrá

Forystufé

Forystufé er sérstakur hluti af íslenska sauðfjárstofninum. Það er þekkt fyrir árvekni, sjálfstæði og ratvísi. Í gegnum tíðina hefur forystufé verið notað til að leiða annað fé, til dæmis á milli staða og við erfiðar aðstæður. Forystufé er oft léttbyggt og háfætt og getur verið í mörgum litum. Það hefur skipað sérstakan sess í íslenskum landbúnaði um aldir og er mikilvægur hluti af sögu og menningu íslenskrar sauðfjárræktar.

Afkvæmarannsóknir

Afkvæmarannsóknir hafa reynst skilvirkt hjálpartæki í ræktunarstarfinu á mörgum sauðfjárbúum á síðustu áratugum. Til þess að hvetja bændur til að bera saman lambhópa undan hrútum sínum hafa verið greiddir styrkir af fagfé sauðfjárræktarinnar að uppfylltum ákveðnum skilyrðum.

Kynbótamat

Ræktunarmarkmið

Í framtíðarskipulagi á ræktun íslenska sauðfjárstofnsins skal lögð áhersla á að varðveita sérkenni hans ásamt því að framrækta þá eiginleika sem mestu máli skipta fyrir sjálfbæra og hagkvæma sauðfjárframleiðslu hverju sinni. Stöðugt þarf að bæta alla helstu framleiðslueiginleika, þ.e. frjósemi, afurðasemi, kjöt- og ullargæði. Viðhalda skal jafnt hyrndu sem kollóttu fé ásamt eiginleikum sem geta haft hagrænt gildi eða talist til séreinkenna s.s. frjósemiserfðavísum, öllum litaafbrigðum, feldfjáreiginleikum og ferhyrndu fé. Sérstaka áherslu skal leggja á heilbrigði stofnsins og endingu gripa. Gæta skal að erfðabreytileika í stofninum og halda aftur af aukningu í skyldleikarækt. Jafnframt þarf að hvetja til samfélagslegrar ábyrgðar þegar kemur að ræktun og verndun þessara stofna.